Si të ndihmoni një person të varur?

Varësia ndikon në tërë jetën e një personi, përfshirë mendjen e tij. Prandaj, ekspertët këshillojnë të zgjidhni me kujdes momentin kur do të filloni bisedën rreth këtij problemi. Më mirë është të jetë një moment kur dini se anëtarët e tjerë të familjes nuk do t’ju ndërpresin. Asnjëherë nuk është e dëshirueshme që këtë temë ta diskutoni në shoqërinë e publikut. Jini të vetëdijshëm se njerëzit që vuajnë nga sëmundjet e varësisë janë të ndryshëm nga ata që vuajnë nga sëmundje të zakonshme. Shumë nuk janë të vetëdijshëm për problemin që kanë, ndërsa të tjerët nuk kanë forcë të fillojnë luftën me të, sepse kanë frikë nga vështirësitë që sjell kriza e abstinencës. Për t’i shtyrë ata të shërohen, duhet të jeni të kujdesshëm me fjalët tuaja, madje edhe me tonin e zërit tuaj. Më mirë është të filloni bisedën me një histori të lehtë dhe të qetë. Më pas, mund t’iu kujtoni lidhjen e mirë që keni pasur më parë. Vetëm atëherë mund të shpreheni me mendimin tuaj. Në vend të kritikës, shprehni kujdes, por edhe kuptim për arsyet e problemit. Njëkohësisht, tërhiqni vëmendjen për pasojat negative që ka sjellë varësia. Vetëm në këtë mënyrë mund të fitoni besimin e personit të dashur që të flasë hapur me ju. Ndonjëherë, qëndrimi i kujdesshëm nuk ka efekt, por mund të shkaktojë zemërim te personi i varur. Për këtë arsye, armësohuni me durim dhe lejoni që anëtari i familjes të mendojë për gjithçka para se të nisim përsëri një bisedë të tillë.